फेरी नो नम्बर कै कल !! उफ !!

हेल्लो ! नारी स्वर आयो उताबाट ।
हजुर भन्नुहोस् म निन्द्रा मै बर्बराउदै बोले ।
आरमै हुनुहुन्छ त पर्दिप जी ।
खै जसो तसो बाँचेको नै छु भन्दा अर्को अर्थ त लाग्दैन होलानी ! यसपाली मैले कुरा लम्बाउने सुर गरे नो नम्बर कि धनी सँग ।
खुशी लाग्यो तपाईं त बाँच्न पाउनु भएको रहेछ ! उनको यो पराको बोली मेरो दिमागमा चढ्दै जान थाल्यो ।
म बाच्दा तपाईंलाई खुशी लाग्नुको केही अर्थ त होलानी ! मैले उनिलाई चिन्ने प्रर्यास जारी राखे ।
यस्तै हुदोरहेछ जिन्दगीका कतिपय क्षण हरु जहाँ हरेक शब्दहरु बिना अर्थमै लेखिदा रहेछन र शायद मेरो सामु त्यसको अर्थ भैदिएको भए आज यसरी कसैको प्रतिबिम्ब ले आफुलाई कप्लक्कै खाने त थिएन । उनको यस्ता घुमाउरो शब्द मेरा नशा नशा भिज्न थाले ।
मलाई पनि झोक चल्यो मन मनै अनी हासो पनि उठ्यो । होइन त्यस्तो बिना अर्थको शब्द लेखिदिने को हो त त्यो महान लेखक मैले उनको मनसाए जान्ने बिचार गरे
जे होस् प्रदिप जि म यसैमा खुशी छु किनकी कम्तिमा पनि उसैको याद हरु मा बाच्नु को पनि त छुट्टै मजा हुदोरहेछ भलै उँ जतिसुकै स्वार्थी होस् । उनी कुरा गर्न त निकै सिपालु रहेछिन ।
मजा त लिनु भएको रहेछ आखिर अर्कालाई स्वार्थ ठान्ने तपाईंका आँखाहरुले आफुलाई कसरी कुन ठाउमा राखेका छन त्यो त तपाईंलाई नै थाहा होला फेरी यसमा मेरो के दोश भयो र यसरी शब्दहरुका चोटिला प्रहर सहनु पर्ने कि कतै तपाईं अझै कुनै भ्रम मा हुनुहुन्छ । मैले दिनु पर्ने उचित जबाफ यस्तै ठाने ।
"ठिकै छ नि त शायद भ्रम मै मेरो अतित गुज्रेको रहेछ र त मैले मान्छे लाई चिन्न सकिन अनी अहिले यसरी जिन्दगी जिउने बाध्यता छ मेरो सामु " उनको प्रहार जारी नै थियो ।
हेर्नुहोस् बिथ्थामा मलाई दोस थुपारेर आफ्नो धन खेर नफाल्नुहोस् । मैले मेरो जिन्दगीलाई पछाडि फर्केर हेर्दा कुनै त्यस्तो घटना भएको पाउन सकिन शायद तपाईंको मान्छे को नाम र मेरो नाम पनि एउटै भएको ले कतै झुक्किनु भएको होला फेरी बोलिले त चिन्नु पर्ने हो। मैले त तपाईंको बोली जिबनमै नौलो पाइरहेको छु
हो हुन त संसारका हरेक मान्छे ले नौलो अनुभव सँगै सबै कुरा नौलो ठान्छ फेरी सधैं नयाँ नौलो मा रमाउने हरुलाई पुरानो कहिल्यै नौलो कसरी लागोस त ?
म त थाके तपाईं सँग कुरा गर्न बस जे भन्न मन लाग्छ भन्नोस आखिर पैसा तपाईंकै जाने हो क्यारे !!
" हुन त पैसा सँग मनहरु जोखिनाले मेरो हालत यो भैरहेको छ अब म के भन्नु खै पैसा नै त रहेछ तपाईंको जिबनको मार्ग "
उफ ! के भनु खै ! के मैले थाकेको मन को नाम थाहा पाउन सकुला ! यसपाली कम्सेकम नाम त थाहा पाउनु पर्‍यो भन्ने मनमा लाग्न थाल्यो तर मैले कुरा नसकिदै हाम्रो संबाद डिस्कनेक्ट भयो । सायद् उनको मोबाइल को क्रेडिट सकिएको होला । तर मेरो मन भने बेचैनिमा डुब्न थाल्यो । आखिर को होला त यसरी दोसहरु थुपारेर आफु चोखिने अथवा मनभरी बेदनहरु बोकेर कसैको यादमा बाचिरहने ।
वास्तवमा पिडा हरु बोकेर हिद्ड्दाको तितो अनुभव त हिंड्नेलाई नै थाहा हुन्छ । जे होस् फोन मा कुरा गर्ने यि नो नम्बर कि धनी लाई यो ब्लग मार्फत फोन नम्बर माग्न चाहन्छु अनी सम्भव भए नाम पनि दिनुहुन अनुरोध गर्छु ।
आशा गर्छु हाम्रो अर्को वार्तालाप मा सबै भ्रम हरु नस्ट्र हुने छन ।
प्रदिप