प्रतिक्षा

आज पनि
फेरि उज्यालो भयो
अनी फेरि रात पर्ने होला
तर
न उज्यालो सँग लाली आउछ
न त रात सँग चन्द्र छाउँछ
अझै पनि
आस पलाउछ, श्वास बहलाउँछ
कतै तिमी पालुङ्टार तिर देखिन्छौ की ?
कतै अनायासै तिमी बालुवाटार मा पो भेटिन्छौ की ?
हैन ! मधेसको खोल्सामा पो रेटिएका छौ की ?
या त भैरब्नाथ मा पुरिएका छौ की ?
तर म
अर्थहिन भएकी छु
यो रित्तो रात समातेर
रित्तो काख भएर
फेरि ! पनि
दिनरात टोलाइरहन्छु
कतै !!
कानैमा आएर भन्छौकी
आमा !!
म त फर्किए जनताको जित बोकेर…………..