नउन्नु माला हे मेरी दिदी भाई आउन पाउदैन
यसपाली पनि तीन धर्के टिका लाउन पाउदैन
पिढीको डिलमा बसेर फेरी नहेर्नु प्रदेसीलाई
दौतरी सँग देउसी र भैलो गाउन पाउदैन
आँगनको डिलमा मखमली फुल हाँसेर जिस्काउला
लिंगे पिङमा मच्चिने रहर सजाउन पाउदैन
सोलीमा बोकी दिदिले ल्याएका सेल रोटी खाएर
भैलेनी टोली बोलाई घरमा नचाउन पाउदैन
प्रदेसी जिबन साहुको खटन घर आउन पाउदैन
यसपाली पनि मखमली माला लाउन पाउदैन
No comments:
Post a Comment