Wednesday, January 4, 2012

म मान्छे भएकोमा लाज लाग्छ ..!!!
























आजकाल, 
मलाई मान्छे सँग डर लाग्छ 
किन किन 
मान्छे भएकोमा नै पश्चाताप जाग्छ 
मान्छे मान्छे बिचको बिभेद देख्दा 
फगत 
म पनि एउटा मान्छे भएकोमा लाज लाग्छ । 


खै ! किन 
तिमी म सँग बोलेको पनि पैसा खोज्छौ 
जतिबेला पनि 
आत्मियतालाई व्यबहारको झोलामा खन्याउछौ 
चोकमा मान्छे किन्छौ 
गल्लिमा मान्छे बेच्छौ 
दिनमा मान्छे बेच्छौ 
रातमा फेरी मान्छे किन्छौ 
हुन त ,,
बत्ती, पानी, पेट्रोल, खाधन्न हरुको 
अभाब भएको यो देशमा 
लुटपाट, चोरि डकैति, अपरहण, बलात्कार हरु 
फलिफाप भएको यो देशमा 
मान्छे ले मान्छेको ब्यापार नगरे 
बैमान, जालसाक्षी को ब्यापार नगरे 
कसरी तिमी 
फेरी एउटा नामुद मान्छे बन्छौ ??
कसरी तिमी धनीमानी गन्य हुन्छौ ??
शायद,, त्यसैले 
मलाई तिमी मान्छेहरु सँग डर लाग्छ 
अझै,,
आँफु पनि मान्छे तिमी जस्तै भएकोले 
आजकाल आँफैसँग डर लाग्छ 
साँच्चिकै,
म मान्छे भएकोमा लाज लाग्छ ।