गजल ( उनको खोजीमा छू )

चुलोचौका अनिलो भो नुन को खोजिमा छु
अध्याँरो भो बस्ती मेरो जुन को खोजिमा छु

समयको अघिपछी मोड्दै जिन्दगी यो
बेचैनिमा रङ्ग भर्न मिठो धुनको खोजिमा छु

धेरै पल्ट छुरा हान्यौ बैगुनी मलाई नै
उजागर गर्न मन गुणको खोजिमा छु

एक्लोपन उदाएर अस्ताइसके खुशी हरु
पर्खाइको पिडा बोक्दै उनको खोजिमा छु ।

गजलमै प्रदिप भाईलाई उत्तर दिन्छु म

कृष्ण सुबेदी
चितवन नेपाल
हाल : दोहा कतार




(प्रदिप भाईको गजल पढ्दा किन किन मलाई उत्तर खोजे जस्तो लाग्यो त्यो गजल ले हुन त भाईको वास्तविक जिबन के होला त्यसमा आफ्नै परिस्थितीहरु हुन सक्छन तर पनि यो ब्लग भाईले मेहनत गरेर यती सुन्दर बनाउदा पनि यहाँ का रचनाहरु वास्तव मा एक्ला अनी सुन्यतामा रमाइरहेका पाउछु म । त्यसैले यो यती मिठो गजल लाई एक्लिन नदिन म उत्तर लेखेर भाईको ब्लग मा पाहुना बनेर झुल्किएको छु )






सङ्लो मन थियो कसैको धमिलो माया मिसायौ
आफ्नै जुठो मन छ तिम्रो ब्यर्थै म सङ्ग पो रिसायौ ।

रहर गरेका थियौ र पो दिएकी थिय यो चोखो मन
मेरै आँखाँहरु छली बेकारमा किन जहर मिसायौ ।

अझै पनि तिम्रो लागि म रित्तिएकी छैन प्रदिप
माझेरिमै स्वागत छ तिमीलाई, किन आँगनिमा बिसायौ ।

सङ्लो मन थियो कसैको धमिलो माया मिसायौ
आफ्नै जुठो मन छ तिम्रो ब्यर्थै म सङ्ग पो रिसायौ ।

(समाप्त )

गजल तिम्रो यादमा

के भुल गरे नानु तिमी म सङ्ग रिसायौ
आशु त पिएकै थिए अझै जहर मिसायौ

झुल्किन्थ्यौ की भन्ने आश जिन्दगिमा न्यानो घाम
खै ! किन मन तिमीले हिउँ जस्तै चिसायौ

सन्कै सन्काको संसार यो स्वार्थले भरिदो रहेछ
कतै ! तिमिले पनि दिल अन्तै चौपारिमा बिसायौ

ब्यर्थै भार भैरहेछ मलाइ जिबनको गती यो
त्यसै माथि तिमीले ढुङ्गा राखी हिडायौ


के भुल गरे नानु तिमी म सङ्ग रिसायौ
आशु त पिएकै थिए अझै जहर मिसायौ