मेरी मोटि (गजल)

देखे पनि चोकतिर तर्की जानु मेरी मोटी
भेटे पनि दैलोनिर फर्की जानु मेरी मोटी

जिन्दगीका बाटा मेरा भात्किदै छन दिन दिनै
मुसल्धारे पानी बनी दर्की जानु मेरी मोटी


तिम्रो फोटो अल्बममा हाँसिराख्छ जिस्काउदै
जोडीदैन माया भने चर्की जानु मेरी मोटी


फेरी मैले माया पोखी तिम्रा हातहरु छोए भने
सुनपानी मन्तारेर छर्की जानु मेरी मोटी
============================

प्रदिपराज सुबेदी
म्याग्दी
हाल: कता

गजल तिमीलाई नानू

दर्पण भित्र रुप हेर्दा चर्‍रर फुटेको देखे
मित्रता को डोरी आज अनायासै टुटेको देखे

शायद! बैरी थपिलाग्यो कि कोमल तिम्रो मुटु सँगै
आज राती सपनिमा तिमीले मलाई कुटेको देखे

भुल भयो कि मेरो पाइला पिछाइ हिंड्न पुगे
विश्वाश हरु सबै मेरा तिमीले हाँडिमा भुटेको देखे

अल्बम भित्र का छाँयाहरु सकेजती च्यात "नानु"
डर लाग्दा तिम्रा साहश्हरुले मेरो मायालाई चुटेको देखे ।
=================================
प्रदिपराज सुबेदी
म्याग्दी
हाल: कतार

हे ! मेरी हजुर...

==================================================================================
निकै पछी आज ब्लग को खाता भित्र छिर्न पुगे किनकी म ४५ दिनको छुट्टीमा नेपाल गएको थिए तर चाहेर पनि मैले त्यहाँ बसाइको आवधिमा एउटा पनि अप्लोड गर्न सकिन । खै के भएको मेरो देशलाई पनि सधैंको अध्यारो (लोड्सेडिङ ) सधैं को हो हल्ला सबै नेता बुझ्नै सकिन मैले यसपाली कसैलाई पनि । नेपाल मा देखेका र भोगेका कुरा त म पक्कै लेख्ने नै छु अहिले लाई भने सानो गजल "मेरी !हजुर " राखेको छु है त
====================================================================================
छ कि माया हे ! मेरी हजुर कि अन्तै सार्नु भो ?
बाँचेको छ कि ! सम्झना मेरो कि जिउँदै मार्नु भो ?

हिजो नै मैले सोधेको थिए फुल भरौ सिउँदोमा
ढाँटेर मलाई अर्को साल भन्दै भाका पो सार्नु भो ।

सालै र पिच्छे बर्षा र हिउँद धेरै पो बिती गो
आउँछ कि पालो हे मेरी हजुर कि माया मार्नु भो ?


औंठा है भाँची कती पो बसु हजुरको आशैमा
चेपारे विश्वाश दिएर मलाई बिचल्ली पार्नु भो ।
===================================================================================
प्रदिपराज सुबेदी
ज्यामरुक कोट म्याग्दी
पश्चिम नेपाल